Dili- Ministério Agrikultura Pacuaria Pescas e Floresta (MAPPF) servisu hamutuk ho Ajensia WorldFish no Food Agrikulture organization (FAO) hala’o Workshop Nasionál konaba oinsa Peskador sira bele iha adaptasaun konaba mudansa climatika ne’ebe maka iha.
Iha entrevista Secretario Estado Pescas Domingos da Conceição dos Santos esplika, worldfish hanesan parseiro importante ho MAPPF hodi hare liu ba iha area Pescas, sira nia kontribuisaun ba atividade aquicultura makas liu iha Munisipio hitu hanesan; Oecusse, Bobonaro, Aileu, Ermera, Lautem, Viqueque, no Dili.
Nia hatutan, workshop ne’e mos atu bele rekolla kualker hanoin no informasaun ne’ebé maka diak, atu bele ajusta hamutuk hodi bele lori ba Diresaun diretiva atu bele halo lansamentu ba programa ne’e atu bele lao iha municipio nebee mak ohin mensiona. Programa ne’e mos atu ajuda ba munisipio ne’ebe maka la iha tasi hanesan Aileu no seluk tan, pelo menus sira labele lakon atu consume ikan, tamba ikan fornese nutrisaun nebe mak diak atu bele konsumu, atu nune’e ita nia oan sira ne’ebe iha faze pre primaria, primaria, sira konsumu barak, liu-liu iha merenda escolar karik nesecario, tamba ho aihan nutritivu maka bele fornese sira dezenvolvimentu fisica diak.
Iha fatin hanesan, Diretór Jeral Pescas Celestino da Cunha Barreto sublinha, dadauk ne’e MAPPF servisu hamutuk ho parseiru WorldFish no FAO ne’ebe maka implementa orsamentu husi Global Enviroment Facility (gef) ne’eb’é maka ho nia objetivu oinsa maka komunidade Peskador sira bele adapta ho mudansa clima ne’ebe maka sae, ida ne’e sei fo impaktu ne’ebé maka la diak.
“Progama pescas hanesan faktores no setores ne’ebe maka importante, tanba bele fo rendimentu economico ne’ebe maka diak ba ita nia comunidade no mos reseitas bo’ot ba ita nia Nasaun. Ne’e duni pescas sai hanesan alvu ba ita nia progama ida ne’e liliu ba parte rua hanesan oinsa maka kaer ikan ligadu ho tasi ka Peskador sira no mos ita nia hakiak nain sira iha foho leten.” Katak DG Celes
Nia informa, programa ne’e liu husi projeitu Documentos ne’ebe maka dezennu hahu iha tinan 2014 no finaliza tiha, tanba ne’e iha tinan 2021 maka foin implementa lolos programa ne’e, tanba ne’e workshop Nasionál ida ne’e atu bele rona mos reprezentante, Tekniku Agrikultura, Diretór sira, Reprezentante balun husi Pescas sira ne’ebe maka iha hodi bele halo diskusaun ne’ebe maka klean tuir sira nia realidade ne’ebe maka iha.
Nune’e mos Kordenador Projetu Almerindo Oliveira da Silva akresenta, rezultadu espetativa husi workshop ida ne’e, inisiu projetu halo ona asesmentu ba vulnerabilidade klimatiku ninian ne’ebe maka iha munisipio hitu Posto Administrativu 14 no mos Suco 20 iha Timor laran tomak no nia rezultadu maka agora dadauk aprezenta iha ne’e, atu hetan apresiasaun no mos hanoin balun husi Autoridade Munsipal to’o iha Suco, nune’e bele tau ba iha planu atu bele dezeñu ba tinan 2023 no 2024.
Nia akresenta, Projeitu ne’e hahu iha tinan 2022 fulan Abril, orsamentu mai husi (gef) liu husi FAO no hamutuk ho ami maka implementa, projetu ne’e iha 4 milliões ba tinan lima, maibe nia orsamentu kada tinan tinan, tanba ne’e iha tinan 2022 ba tinan 2023 iha total orsamentu atus walu (800) mill ital.