Dili- Ministério Agrikultura Pecuaria Pescas e Floresta (MAPPF) liu husi Dirasaun Nasionál Agrikultura Hortikultura Departamentu Produsaun Hortikultura E Protesaun Plantas  no mos Dirasaun Nasionál Quarentena e Bio Seguransa promove tan staff hamutuk 15 liu formasaun konaba Biosecurity, Sanitary and Phytosanitary Standaeds (BSPS) husi Formador ida mai Husi Nasaun Fiji, Formasaun ne’e hahú iha loron Segunda 18-21 iha Hotel Novo Turismo.

Iha entrevista formador Riten Chand Gosai esplika, formasaun ne’e sei foka liu ba iha area Bio Seguransa sanitario pito sanitario atu nune’e waimnhira hala’o servisu ruma iha kampu tuir ninia estandarte ou padraun ne’ebe maka iha. No iha parte seluk mos sei halo vizita ba iha fatin sira hanesan Porto no Aeroporto hodi bele hare diretamente ho matan konaba ita nia servisu Bioseguransa ninian.

Formasaun ne’e mos sei hare Sistema harmonia container sira nian, nune’e ita mos sei halo lista ida atu akumula peste sira ne’ebe maka iha Timor Leste atu nune’e bele halo prevenesaun hodi Evita peste sira husi Nasaun seluk atu tama mai iha Timor Leste. Formador refere primeira vez mai iha Timor Leste, nia sente kontente tebes, tanba tuir nia observasaun ema Timor Leste nia laran  diak tebes sempre koalia ho nia flexibilidade hodi hamutuk ho nia.

Iha fatin Chefe Departamentu Produsaun Hortikultura e Protesaun Plantas Americo Alves Brito hateten, Treinamentu ida ne’e objetivu oinsa atu dezenvolve no kapasitasaun staff Protesaun no Bioseguransa Quaretena nian iha area BSPS nian atu bele hadia diak liu tan dezenvolvimentu iha area ida ne’e.

Nia informa, Materia lobuk ida maka importante tebes iha formasaun ne’e liu-liu onsa kria data veis no mos konaba aifuan nian no mos peste lakataru makerek ne’ebe maka sai hanesan problema iha Timor, Sei iha treinamentu atu bai ha kampo hodi halo observasaun ba kontiner, tanba kontiner balun tama husi Nasaun seluk mai bele kontamina mos ho peste ruma karik iha foer ruma karik presiza hare mos bai da ne’e. (Tyfa)