Dili, (28/9/2023) Ministerio Agrikultura, Pekuaria, Peskas no Floresta liu hosi Diresaun Jerál Floresta kada tinan sempre preve orsamentu hodi aloka ba fornesimentu bee  ba animal protejidu sira hanesan bibi  rusa ba tempu bailoron  iha area parke nasional Nino Konis Santana iha  Postu Adminitratvu Tutuala Munisipiu Lautem.

 Diretór Nasional Konservasaun Floresta e Dezenvolvimentu  Eco-Turismo, Fernando Casimiro de Araujo,  kuarta-feira foin lalais ne’e  iha nia kna’ar fatin Caicoli,  hato’o ba ekipa Departamentu Informasaun MAPPF  hateten katak, durante ne’e diresaun nasional sempre kria kondisaun masimu ba animal protejidu sira tantu iha area parke nasional nomos area protejidu sira seluk, neduni kada tinan  governu liu hosi Ministeriu  aloka orsamentu hodi fornese bee ba animal  protejidu sira.

Nia hatutan, bee ne’ebe maka fornese ba ne’e kuaze tanki boot neen (6)  ho  3 ou 4 mill litrus be’e dadaun ne’e tau ona iha area parke nasional Nino Konis Santana  no tanki rua maka hotu ona no sei hela tanki hat no predisaun katak  bee hirak ne’e adekadu to’o  udan  monu rai maibe wanhira bee hotu maka udan seidauk monu rai Ministériu sei aumenta tan ou ense tanki sira ne’ebe maka mamuk ona hodi hein tempu udan.

Diresaun nasionál mos halo identifikasaun  ai-han  ba bibi rusa sira iha fatin refere hanesan ai besi lokal neduni iha tempu badak  tekniku sira sei ba buka ai ne’e hodi tesi no ba tara iha fatin ne’ebá atu  nune’e bibi rusa sira bele han, nune’e bele asegura ai-han ba bibi rusa antes udan monu rai.

“ ami Hosi parte Diresaun mos dala ruma simu informasaun kona-ba bibi rusa balun  mate maibe ne’e laos  tanba be’e ou hahan maka menus  maibe ne’e tanba bibi rusa sira oan ba oan entaun nia populasaun aumenta  sae neduni Ministerio sei kria kondisaun foun aumnta tan rai 100 ektares iha parte mehari nian ne’e sei husik bibi rusa balun iha fatin refere tanba durante ne’e animal hirak ne’e gurda Floresta sira proteje e ema la kasa no la naok entaun nia populasaun kada tinan sempre aumenta”. Tenik Diretor

Dadaun ne’e gurda Floresta sira destaka nafatin iha fatin ne’e hodi hamoos bee fatin sira  atu nune’e kaniliza bee ba bibi rusa sira. Iha nasaun boot sira iha fatin animal katak animal hotu-hotu  iha no ita ema wanhira visita ita bele fó han no kaer neduni iha future parte Ministerio mos sei haree  ida ne’e  hodi tau ba planu. Elis