Dili-Ministru Agrikultura no Peskas (MAP) konvoka enkontru jeral hodi avalia servisu funsionariu durante tinanj 2016 ho objetivu atu hadia kualidade servisu iha tinan 2017, enkontru ne’e hala’o iha Loron Kinta (12/01) iha Salaun MAP Comoro Dili.
Ministru Agrikultura e Peskas Estanislau Aleixo da Silva iha nia intervista katak enkontru ida ne’e importante tebes tanba bele rona Diretór sira nia preokupasaun ao mesmo tempu Ministru sira mos bele fo fali informasaun ba sira atu oinsa hametin liu serbisu iha Ministeriu Agrikultura ne’e rasik.
“Preokupasaun sira ne’ebe maka ohin sira hato’o klaru katak tuir duni realidade ne’ebe iha, tanba ne’e “hau mos la promote buat barak maibe hau promote katak hau sei lori preokupasaun sira ne’e ba hato’o iha Konsellu Ministru no iha buat balun mos hau presiza ba hato’o iha Komisaun Funsaun Publika, hateten Estanislau”
Ministru mos haktuir tan katak hahu horseik kedas sira mos halo ona reuniaun ida ho Vice Ministru, Sekretariu Jeral no mos Diretores Jerais sira hodi koalia konaba asuntu balun tanba ne’e enkontru ida ohin ne’e diak liu tan atu sira bele esklarese sira nia preokupasaun sira atu nune’e ita bele hare hamutuk katak medidas saida maka Governu sei foti.
Ministeriu infreta problema boot mak kona ba ekipamentus ne’ebe maka ita presiza hanesan kareta, motor no komputadores sira iha balun ne’ebe maka la dun diak ona husu ba sira atu alista hela, atu nune’e ita bele hatene katak presiza tan kareta, motor no komputadores hira tan.
Alende ne’e iha enkontru ne’e kuaze Diretor sira husi Diresaun ida-idak mos hato’o sira nia lamentasaun no problema husi parte oi-oin liu-liu kona ba ekipamentus no nivel Funsionariu sira.
Tuir Diretór Jeral Agrikultura no Hortikultura e Estensaun, Diolindo da Silva hateten, durantetinan 2016 ami infrenta problema Natureza mak hanesan Elninu, ida ne’e maka sai hanesan Dezafiu bo’ot ba ami maibe hau kordena ho Diretor Nasional Agrikultura oinsa maka ami bele antisipa, tanba ida ne’e hanesan ameasa natureza, iha fatin hotu-hotu rai maran, maibe ami buka oinsa maka atu bele atende nesesidade Agrikultor sira nian maibe to’o ikus ita ultra pasa duni.
Iha parte seluk Diretor jeral diresaun jeral peskas Acacio Guteres esplika mos, iha area peskas presiza dezenvolve maka portu peskas tanba iha tinan 2016 area peskas konsege hahu ona peska industrial, maibe dezafiu bo’ot ida maka durante ne’e Peskas hasoru maka hanesan fasilidade baziku liu-liu infraestrutura baziku maka limitadu tebes.
Diretor Jeral Floresta e kafe plantas industruais Mario Nunes, iha tinan 2016 ita halo atividades bo’ot lobuk ida ona, Ita hahuiha seitór produtivu investimentu Ai-Kameli hamutuk 200 hektares, 100 Hekatares iha Atabae no 100 hektares iha Suku Ahik Munisipio Viqueque.
Segundo ita halo rahabilitasaun ka poda kafé 500 hektares, atu kontinua maibe ita nia kbi’it maka ne’e ona, to’o ohin loron atinji ona 94% hela 6% maka lokaliza ona, maibe tanba kafé fuan ona entaun ita mos labele kontinua. Teknik Diretor Jeral Floresta.
Diresaun jeral floresta mos halo Viveirus permanente iha Maubara iha tempu badak ita sei halo lansamentu tanba destribuisaun atu hahu ona ba preparasaun Viveirus Maubara nian ho mos Viveirus Munisipais sira.
Preokupasaun ne’ebe ministeriu hasoru mak pozisaun funsionariu tanba funsionario balun foin tama la kleur sira nia nivel sae ba dadauk ona maibe iha balun ne’ebe maka tama kleur ona sira nia nivel seidauk sae nafatin. Minitru MAP sei foti medidas atu hadia nivel funsionario balun maibe minitru sei la promote wanhira mak atu realize maibe iha tempu badak buat ne’e sei lao.