Dili, 11/7/2024. Prezidenti Konsellu Veteranus Hasoru malu ho Ministru Agricultura Pecuária Pesca no Floresta hodi halo diskusaun kona-ba dezenvolvimentu setór agrikultura no pekuaria tanba Konsellu Veteranus iha fundus atu investe iha área agrikultura.
Ministru MAPPF, Marcos “MEMETA”da Cruz iha nia entrevista katak, Prezidenti Konsellu Veteranu ho nia estrutura mai hodi informa ba ministério atu investe iha área agrikultura tanba konsellu veteranu iha fundus hodi halo dezenvolvimentu setór agrikola iha munisípiu rua mak hanesan Manufahi iha weberek no welaluhu sei investe ba agríkultura, Lautem parte Iralalaru- Lospalos sei hakiak karau neduni husu Ministériu atu bele apoiu idea hirak ne’e tanba inisiativa husi Kosellu veteranus ne’e diak neduni ba oin Ministeriu bele servisu hamutuk ba dezenvolvimentu Agrikultura no pekuaria iha Rai laran.
Ministro mós hatete, Ministério Hanesan Instituisaun guvernu ne’ebé mak responsabiliza ba área agrikultura nian neduni Ministériu sei buka meius atu bele apoiu iha parte infraestrutura báziku hanesan irrigasaun, tratór inklui staf tékniku sira iha parte pekuaria no agrikultura nian.
Iha fatin hanesan Prezidenti Konsellu Veteranus, Riak Leman mós esplika, objetivu hasoru malu ho ministru ne’e hodi halo diskusaun atu investe iha area agrikultura no pekuaria tanba konsellu iha fundus husi veteranus rasik atu dezenvolve área agrikultura hanesan halo to’os no hakiak karau nune’e fo servisu ba timor-oan sira iha munisípiu. “ Nia hatutan, konsellu eskolla fatin rua mak iha manufahi no lautem ba rai hirak ne’ebé atu halo atividade ne’e rai estadu laos rai komunidade nian maibé durante ne’e halo ona kordenasaun ho guvernu, komunidade, ajensia no kompaña sira atu bele apoiu maximu wanhira atividade ne’e realiza. Ekipa DMEA