Dili-Ministério Agrikultura Pecuaria Pescas e Floresta (MAPPF) realiza enkontru ho Autoridade Locál Munisipio Dili hodi halo sosializasaun no lejislasaun ba Decreto Lei Pecuaria no Veterinaria, enkontru ne’e ofisilamente loke husi Ministro MAPPF akompaña mos husi Secretario Estado Pescas, Secretario Estado Pecuaria no mos Secretario Estado Floresta iha loron Segunda (22/07/24) iha Salaun MAPPF Comoro.
Iha entrevista SEP José Viera de Araújo esplika, objetivu husi sorumutu ne’e hodi koalia konaba sosializasaun ba lejislasaun lei Pecuaria no veterinaria, durante ne’e Ministério iha Decreto Lei barak, ezemplu hanesan Lei Número 10 kona-ba identifikasaun rejistu animais, Número 11 kona-ba matadoru nomos Número 12/2014 konaba movimentu animal iha area Urbana sira. Decretu lei sira ne’e ita koalia de’it maibe iha asaun la du’un iha.
“Dalaruma ita nia komunidade sira kontra regras sempre du’un ba malu, ita mos mai ho hanoin ida katak ita hakrak atu resolve problema, mak problema sei la iha entaun ita tenki halo sosializasaun. Sosializasaun ne’e laos ita halo de’it iha Munisipio Dili, maibe ita sei halo iha Teritorio Timor laran tomak, atu nune’e bele hasa’e konñesementu ba ita nia komunidade sira, tantu husi estrutura PAM Postu to’o ba iha Aldeia.” Tenik SEP José
Nia hatutan, Decreto Lei ne’ebé iha, hakerek mos konaba sansaun sira, ezemplu ema lori animal husi Munisipio ida ba Munsipio seluk, ita mos iha Postu tranzitu ba Animal atu kontrola, hodi hare animal ne’e saudavel ka lae, dala barak ita hare animal bokur maibe ita la liu husi kontrolu, entaun agora dadaun ita mos iha tekniku sira hanesan Doutor animal Veterinaria hodi bele hare ba animal nia kondisaun.
Nia informa, Lei ne’e rasik prodúz husi MAPPF iha tinan 2014 iha lei ha’at ne’ebé ita produz ona, iha Governu Anterior mos produz tan konaba Saúde animal no Quarentina, iha ne’eba temi ona, tanba ne’e ita iha planu integradu tenki servisu hamutuk, tanba ne’e ita mos servisu hamutuk husi parte PNTL, Autoridade sira hodi bele implementa Lejislasaun sira.
Iha fatin hanesan Reprezentante PAM Dili Tomas Barros katak, sorumutu ba loron ohin koalia konaba sosializasaun Lei Pecuaria no Veterinaria nian, liu-liu Decretu lei Número 10,11,12 ,13 no 14 ne’ebe ho nia objetivu atu fo hanoin ba ita nia komunidade sira ne’ebe maka hakiak animal no ba komunidade sira ne’ebe mak oho animal.
Ita hakiak habokur no oho, atu koalia de’it ba públiku katak wainhira atu oho animal tenki iha karta lisensa ruma husi Estadu, atu nune’e iha baze legal ida hodi bele fa’an na’an iha fatin ne’ebé dignu, importante mak fa’an nain sira tenki kontrola atu labele fa’an iha dalan ninin liu-liu iha Estrada públiku ne’ebé ita hare higiene la dun diak ba na’an, tanba movimentu ba mai entaun rai rahun bele tama fali iha na’an, oinsa atu konsumu entaun ida ne’e difikulta ona ita nia Saúde.
Nia mós Fo hanoin ba komunidade sira hotu bele husik animal, maibe tenki kuidadu, tau animal tuir Lei. Lei hateten iha Dili labele hakiak ona animal bo’ot karau, Fahi no Bibi ne’e lei la autoriza ona atu hakiak tan, iha Sidade so bele hakiak de’it mak animal ki’ik sira hanesan manu, no ba sira ne’ebé hakiak animal ne’e mos tenki kontrola animal nia hahan sira, no kuidadu mos nia luhan tenki fase halo mos atu nune’e labele difikluta fali komunidade sira seluk. Ekipa DMEA