Dili(9/5/2025)- Ministério Agrikultura Pecuária Pesca e Floresta realiza enkontru Bilateral ho reprezentante Governu America husi Embaixada Amerika iah Timor-leste, hodi hare konaba prosesu no regulamentu inportasaun no esportasaun produtu husi Estadus Unidos America mai iha Timor Leste.
Iha entrevista Asesor Prinsipál Ministro, Augusto da Silva esplika, enkontru ne’e partisipa husi reprezentante Governu America ho reprezentante Embaxadór America nian ho investór sira durante ne’e servisu hamutuk ho Timor-leste liu liu Ministériu Agrikultura halo diskusaun konaba importasaun Esportasaun entre Timor Leste ho Estadus Unidos America.
“Ita koalia konaba importasaun no Exportasaun aliende ne’e diskuti mós konaba oportunidade oinsa sira apoiu ita nia dezenvolvimentu iha Setór Agrikultura, pecuária, Peska no Floresta tanba ne’e mak delega ha’u hanesan asesór prinsipal ba Ministro, akompaña mós husi Diretór Nasionál Quarentena, ho xefe Departamentu sira hotu, atu diskuti konaba sasan importasaun no Exportasaun liu-liu konaba produtu na’an manu ne’ebé durante ne’e importa husi Nasaun America mai iha Timor.” Tenik Asesor.
Nia informa Hanesan nasaun ne’ebé importa produtu mai, no sira ne’ebé esporta sira-nia produtu mai iha Timor leste, maibé Timor iha nia rekezitu tuir lei, rekezitu sira ne’e hakerek tiha ona tiha ona iha lei nia laran, entaun importadór no kompañia sira ne’ebé mak iha America hakarak lori produtu mai tenki priense rekezitu sira ne’ebé iha ona lei importasaun no Esportasaun nian.
Nia esklarese, durante ne’e Ministériu haruka ona tékniku sir aba nasaun America halo ona Sistem Audit, signifika plantas sira ne’ebé estabelese iha America ne’e duni sira prense ona rekezitu no regulamentu America nian entaun tékniku Ministériu bele ba halo evualuasaun iha ne’ebá, dehan katak sira satisfas ho estabelesimentu iha ne’ebá, signifika produtu husi America nian bele mai iha.
Nia esplika, ezemplu kompañia iha America hakarak exporta nia produtu mai Timor leste nia parseiru iha ne’e tenki iha, atu nune’e parseiru ne’e mak husu ba Dresaun Quarentena hatama pedidu atu hatama produtu ne’e mai Timor, enkuantu laiha parseiru iha ne’e, sira labele haruka mai de’it, tanba presiza hetan lisensa inportasaun no hetan autorizasaun importasaun husi Quarentena ho ida ne’e mak sasan bele mai. Tanba Timor fasilita importasaun esportasaun tuir Lei no reguladór liu-liu ba asegura nune’e ba oin labele hetan moras ruma.
Iha fatin hanesan xefe Politíka e Economia Chirstopher Morehouse husi Embaixada America iha Timor-Leste hateten, Enkontru ne’e koalia konaba sasan lobuk ida, liu-liu konaba sasan importasaun no sasan Eportasaun, Governu Estadus Unidos hakarak kontinua kolabora hodi servisu hamutuk ho Governu Timor- Leste nune’e ba oin atu bele halo servisu diak liu tan. Ekipa DMEA