Bobonaro-17/05/2025 Governu liu husi Ministerio Agrikultura Pekuaria Peska no Floresta hamutuk ho deputadu balun husi PN lansa atividade kolleta hare uja makina modernu ho objetivu atu hasae produsaun hodi hadia ekonomia nasional iha Timor Leste.
Iha entrevista Ministru Defeza, Donaciano Costa Gomes Pedro 'Klamar Fuik' ne'ebé reprezenta Primeiru Ministru esplika katak, iha serimonia kolleta haree iha Maliana ne'e katak, Primeiru Ministru preokupa ho area ida ne'e tanba hakarak haree produsaun interna bele sa'e produsaun agrikola hodi hadi'a ekonomia nasionál tuir objetivu estratejia ne'ebé mak define ona katak povu no ema hotu sei morís di'ak ate tinan 2030.
'' Serimónia ida ne'e normalmente halo husi otas bá otas husi beiala sira halo bainira ko´a hare Ohin loron ita halo serimónia ida ho modellu ida ne'ebé modernu tanba bele introdús mákina ne'ebé prepara kedan ona atu ko´a hare no oinsá maka atu transforma no separa hare kain husi hare musan". Dehan MInistru Defeza bá jornalista sira iha natar laran area Ramos-koran Maliana, sábadu foin lalais ne'e.
Ministru Defeza hatutan tan katak Signifika katak avansu boot ida ba agrikultor sira atu bele utiliza téknolojia ida ne'e. Ne'e hanesan kompremisu boot ida husi nonu governu konstitusionál ne'ebé Primeiru Ministru rasik impeñadu atu bele hasa'e produtividaede nasionál iha setór agrikola. Tuir Pedro Klamar Fuik' katak produtividade tenke aumenta hodi hadi'a ekonomia, Liu-liu ho programa ida ne'e hanesan programa pilotu.
Iha Fatin hanesan Ministru Agrikultura, Pekuária, Peskas no Florestas Marcos " MAMETA" da Cruz hateten katak, Mákina sira ne'e uja hodi kolleta hare ne'e iha kombinasaun buat tolu ida maka koa hare, hamos no tau kedan bá karon laran, Ida ne'e mak nonu governu halo atu moderniza setór Agrikultura hodi implementa sistema mekanizasaun. Tanba liu husi Ministériu Agrikultura atu apoiu de'it tratór, maibé agora bele fasilita agrikultór sira ho mákina kuda hare no ko´a hare.
Ita mai iha ne'e halo kolleta bá hare uja mákina modernu ne'ebé ita hetan apoiu orsamnetu hosi Banku Mundiál, mákina sira ne'e ita fahe iha tempu liu-bá no ohin to'o ona ninia tempu ita mai hodi utiliza mákina sira ne'e hodi halo kolleta bá haré sira ne'ebé isin ona atividade sira hanesan ne'e atu enkoraja agrikultór sira hodi bele partisipa ativu hodi halo natar atu nune'e governu bele buka meius hodi bele ajuda agrikultór sira ho ekipamentu modernu sira hanesan ne'e, tanba atu aumenta produsan liu husi ajuda mákina modernu sira hanesan ne'e bá ita nia agrikultór sira inklui hadi'a irrigasaun atu agrikultór sira bele halai sira nia natar hodi hasa'e produsaun iha rai laran. Teknik Ministru
Iha sorin seluk Prezidente Autoridade Munisipiu Bobonaro Alexander Pires hamutuk ho grupu agrikultor sira fo agradese ba Ministru Agrikultura Pekuaria Peska no Floresta ne'ebe fuan hanesan nee terus tebes atu koa hare, maibe ho politika nonu governo lori apoiu mákina agrikola ba komunidade agrikultor sira liu-liu iha Munisipiu Bobonaro, hare ne'ebe uluk sira koa ho liman agora sira la koa ona no uja makina modernu ne'ebe koa kedas hatama ba karon hodi lori ba uma ida nee mak sira orguilho tebes,tanba agrikultor sira presiza duni ekipamentu agrikola sira nee duni.
Lori inan aman agrikultor sira iha Munisipiu Bobonaro hakarak hatoo nafatin ba Ministru Agrikultura Pekuaria Peska no Floresta atu apoiu nafatin iha seitor Agrikultura ne'ebe importante tebes ba sira, no kolleta hare hotu tiha Prezidente Autoridade Munisipiu Bobonaro mos sei orienta nafatin agrikultor sira hodi kuda fali foremungu atu nune'e bele fornese fali ai-han ba merenda sekolar sira atu nune'e osan nee la bele sai ba rai liur maibe sirkula deit iha munisipiu Bobonaro, osan sai hotu ba rai liur tanba ita la hahu ho seitor Agrikultura.
Nune'e mos agrikultor Pedro Maudasi Lopes Sente kontente tebes tanba durante sira esforsu an tebes hodi halo natar too ohin loron ita nia Membru Governo sira bele mai kolleta iha fatin ida nee uza makina agrikola ne'ebe modernu hodi koa hare, sira mos husu nafatin ba governu atu bele sosa sira nia produto agrikola ne'ebe mak durante nee sira produz ona iha munisipiu Bobonaro.
Serimónia kolleta hare iha Natar Ramos koran ne'ebé hetan partisipasajn Husi Ministru Defeza Reprezenta Primeru Ministru Xanana, Ministru Interior, Ministru Transporte no kominikasaun, Vice Ministra Solidaridade Sosiál no Inkluzaun, Sekretáriu Estadu Florestas, Deputadu PN , Xefe Gabinete Husi Ministru Negosiu Estranjeiros no Kooperasun, Prezidente Autoridade Munisípiu Bobonaru, Reprejentante Banku Mundiál, Diretór Jeral, Diretór Nasionál no Xefe Departamentu sira husi Ministériu Agrikultura, Projec manajer SAPIP, Xefe de suku sira, funisonáriu,no Komunidade agrikultór sira. Ekipa DME